ES og Bretland eru nú komin ásamt um treytirnar í sambandi við, at Bretland fer úr ES tann 29. mars í 2019.

Partarnir eru komnir ásamt um, at ein skiftistíð skal verða fram til 31. desember í 2020, og í hesum tíðarskeiði verða ongar broytingar í fiskivinnupolitikkinum. 

Bruxelles skal framvegis hava fult ræði á fiskivinnupolitikkinum og skal føra allar sínamillum samráðingar við onnur lond í skiftistíðini. Ongar broytingar verða heldur gjørdar í innanhýsis kvotabýtinum í ES.

Bretski fiskimálaráðharrin Michael Gove, sum var á almennari vitjan í Føroyum í fjør, sigur, at Bretland hevur strongt á, fyri at kunna yvirtaka fiskivinnupolitikkin longu í 2019, men her vildi ES ikki slaka. 

-Vit eru sera vónbrotin um, at ES ikki vildi slaka í hesum viðurskiftinum. Í desember 2020 fara vit at samráðast við hini londini um fiskirættindini sum sjálvstøðugt triðjaland og strandaland. Hetta verður fyrstu ferð í 40 ár, at Bretland ræður fyri sínum egna fiskivinnupolitikki, sigur Michael Gove í samrøðu við BBC.

Ein munandi partur av bretsku fiskivinnuni er í Skotlandi, og har eru konservativu tinglimirnir sera ónøgdir við, at tað ikki eydnaðist at fáa ræði á fiskivinnupolitikkinum longu í 2019.

Semjan millum ES og Bretland ber í sær, at samstarvið millum strandalondini um umsitingina av felags uppisjóvarstovnum heldur fram sum nú í 2019 og 2020. Somuleiðis skulu Føroyar samráðast við ES um sínamillum fiskiveiðisáttmálarnar fyri hesi árini.





  English info

Samband

Felagið Nótaskip
Óðinshædd 7 
Box 1038
FO-110 Tórshavn

Tel.:  73 99 10
Email: notaskip@notaskip.fo

 


Nótaskipini

  • Norðborg

    Heimstaður: Klaksvík
    Bygdur í 2009 í Chile
    Eigari: P/F Hvalnes

  • Tróndur í Gøtu

    Heimstaður: Gøta
    Bygdur í 2010 í Danmark
    Eigari: P/F Hvamm

  • Gøtunes

    Heimstaður: Gøta
    Fyrrverandi Gitte Henning
    Bygdur í 2014 í Noregi
    Eigari: P/F Desin

  • Finnur Fríði

    Finnur Fríði
    Heimsstaður: Gøta
    Bygdur í 2003 í Noregi
    Eigari: P/F Krossbrekka

  • Christian í Grótinum

    Heimstaður: Klaksvík
    Fyrrverandi Kvannøy
    Bygdur í 2002 í Noregi
    Eigari: P/F Christian í Grótinum

  • Fagraberg

    Heimstaður: Fuglafjørður
    Fyrrverandi Krúnborg
    Bygdur í 1999 í Noregi
    Eigari: Sp/f Framherji