Íslendski fiskimálaráðharrin Kristian Þór Júlíusson hevur avgjørt at hækka íslendsku makrelkvotuna í ár við 32.000 tonsum – úr 108.000 upp í 140.000 tons.

Fiskimálaráðharrin sigur, at tað grundleggjandi er ábyrgddarleyst, at meira verður fiskað, enn fiskifrøðingar mæla til. Hinvegin kann tað ikki góðtakast, at eitt land skal taka ábyrgdina av yvirfiskingini, tá hini londini seta sær hægri kvotur.

Íslendska makrelkvotan hevur undanfarin ár verið 16,5% av tilmælinum hjá ICES, men nú hevur íslendski fiskimálaráðharrin gjørt av, at íslendski parturin eisini skal roknast av yvirfiskingini.

Upprunaliga mælti ICES til, at samlaða makrelkvotan skuldi setast til 653.000 tons í 2019, men eftir eina nýggja meting av stovninum í februar í ár, hækkaði ICES sítt tilmæli um mest loyvdu veiðuna upp í 770.000 tons.

Íslendski fiskimálaráðharrin sigur, at roknað verður við, at londini fara tilsamans at fiska 80.000 tons meira enn hetta, og tí hevur Ísland sett sær eina kvotu, sum er 16,5% av 850.000 tonsum.

Kristian Þór Júlíusson sigur við íslendska ríkisútvarpið, at Ísland hevur tikið hesa avgerð, tí framstig verða ikki gjørd í samráðingunum um at fáa eina felags avtalu um býtið av makrelstovninum.

-Eg haldi, at nú er nóg mikið. Men vit fara ikki bara at sita hendur í favn. Vit fara framhaldandi at arbeiða fyri at øll londini semjast um eina avtalu, sigur íslendski fiskimálaráðharrin.

Tey fyrstu íslendsku skipini eru farin á makrelveiðu, og tey hava rakt við makrel suður úr Vestmannaoyggjunum.





  English info

Samband

Felagið Nótaskip
Óðinshædd 7 
Box 1038
FO-110 Tórshavn

Tel.:  73 99 10
Email: notaskip@notaskip.fo

 


Nótaskipini

  • Norðborg

    Heimstaður: Klaksvík
    Bygdur í 2009 í Chile
    Eigari: P/F Hvalnes

  • Fagraberg

    Heimstaður: Fuglafjørður
    Fyrrverandi nøvn: Krúnborg
    Bygdur í 1999 í Noregi
    Eigari: Sp/f Framherji

  • Tróndur í Gøtu

    Heimstaður: Gøta
    Bygdur í 2010 í Danmark
    Eigari: P/F Hvamm

  • Finnur Fríði

    Finnur Fríði
    Heimsstaður: Gøta
    Bygdur í 1994 í Noregi
    Eigari: P/F Krossbrekka

  • Jupiter

    Heimstaður: Gøta
    Fyrrverandi Åkerø,
    Magnusson og Altaire
    Bygdur í 1994 í Noregi
    Eigari: P/F Driftin

  • Christian í Grótinum

    Heimstaður: Klaksvík
    Fyrrverandi: Kvannøy
    Bygdur í 2002 í Noregi
    Eigari: P/F Christian í Grótinum